因為一個升中派位，將一班不相識的人，安置在一間陌生的中學（噢！當然不是全部同學係咁嘅，有一半同學係由幼稚園升小學再升中學），就在第一日返學，在巴士上遇到林林和她媽媽，伯母見我同校，便叫我們一起返學校，怎想到，我們竟編在同一班。
又因為林林有小學同學編在另一班，裙帶關係之下...........就認識咗一群相交至今嘅好朋友。
畢業後，大家保持在每人生日時都出來見面，到大家都拍拖，就一開二，變成一對對咁一齊見面食飯。 跟住結婚....生小朋友.....有人移居外地.......,各有各忙 。仍然在香港嘅，因為工作關係，幾年才有一次聚會。
幸好，現今科技發達，有facebook可以聯誼（不過，原來有一半人係唔喜歡facebook嘅），所以，whatsapp 成為最好嘅聯絡方法，開一個群組，大家就可以即時聯絡，天南地北唔理時差問題，有時間嘅就答吓口講幾句。
這星期，我們又有飯局啦，大家決定去打邊爐，一齊烚吓烚吓，嘻嘻哈哈咁又幾個鐘，仲引得在加拿大的林林心癢癢，決定明年復活節返香港聚聚。 老友，好掛住妳呀，廿年無見，期待。
